دخول الأعضاء:
أهلا وسهلا بك زائرنا الكريم، إذا كانت هذه زيارتك الأولى للمنتدى، فيرجى التكرم بزيارة صفحة التعليمـــات، بالضغط هنا. كما يشرفنا أن تقوم بالتسجيل بالضغط هنا إذا رغبت بالمشاركة في المنتدى، أما إذا رغبت بقراءة المواضيع والإطلاع فتفضل بزيارة القسم الذي ترغب أدناه.
4 .. ماتغير شي بس هـآلمكان صآآآر فاضي
نقاش 4 .. ماتغير شي بس هـآلمكان صآآآر فاضي يدخل في القصص والروايات كجزء من قسم الملتقى الأدبي ; :: بـــآك عزوز:هييي..نويييصر حلوووووووه بس لاتعيدها.. ناصر:اللهـ يرجك بس.. عزوز بعد ماهدأ:خلاص عاد عطيناك وجه وضحكنا معكـ كافي ناصر:اقوول طس بس فيه حد قالك اضحك..ياشين النفس وبس.."ولف وجهه يقاله زعلان" عزوز وهو يطلع كرتون من جيبه :ياحبليكـ والله يانويصر.. لف ناصر وجهه وفتح عينه ع الاخر يوم شاف اللي بيد عبدالعزيز.. ناصر:عزووووز... عبدالعزيز: ....... لارد ناصر:هييه يا استاذ انت ..هيييه.. ياابوو صاحي انت.. رد عليّ عزوز: ......... لارد ناصر:عبدالعزيز.. يالطمخه انتـــ لاتقولي انت .... !!"وسكت" عبدالعزيز كان منشغل يفك القرطاسه ...
 |
03-23-2009, 05:01 AM
|
#11 | |
|
مبدع مميز
|
:: بـــآك عزوز:هييي..نويييصر حلوووووووه بس لاتعيدها.. ناصر:اللهـ يرجك بس.. عزوز بعد ماهدأ:خلاص عاد عطيناك وجه وضحكنا معكـ كافي ناصر:اقوول طس بس فيه حد قالك اضحك..ياشين النفس وبس.."ولف وجهه يقاله زعلان" عزوز وهو يطلع كرتون من جيبه :ياحبليكـ والله يانويصر.. لف ناصر وجهه وفتح عينه ع الاخر يوم شاف اللي بيد عبدالعزيز.. ناصر:عزووووز... عبدالعزيز: ....... لارد ناصر:هييه يا استاذ انت ..هيييه.. ياابوو صاحي انت.. رد عليّ عزوز: ......... لارد ناصر:عبدالعزيز.. يالطمخه انتـــ لاتقولي انت .... !!"وسكت" عبدالعزيز كان منشغل يفك القرطاسه الشفافه.. يفك الكرتون .. ويطلع اصبع من ... للأسفــــ ابقولها لكم (سجاير) .. هز ناصر كتف عزوز وقال:هييه هييي يالاخو ماتسمع.. رفع عبدالعزيز ايدهـ وحط السقارهـ بفمه.. رفع الولاعه شغلها.. انصدم ناصر ..وانصدم بقوهـ .. وماكان متوقع اوحاط فكره بباله ان ممكن عزوز يدخن..ماقال شي وقام يناظرهـ وهو منهبل رفع عينه عبدالعزيز وهو مبتسم..سحب السقاره من فمه ومدها لناصر وقاله:تبي تجربــــ .. ناصر مرتاع:عبدالعزيز ..صااحي انت.. متأكد ان حرارتك مو مرتفعه ولا شي.. عزوز وهو يضحك:لا ابد.. .."عدل جلسته" والله شوف نويصر قاطعه ناصر وبجد تكلم:عزوز لاحظتك تحب تبربر كثيييير.. بصرااحه طحت خلاااص من عيني وبقوووهـ عزوز وهو يوخر السقاره من فمه:لا ناصر حرام عليكـ لاتقولي كذا .. والله تحسبني مستانس.. حرام عليكـ ذا ابتلاء من الله .. بس خلاص ادمنت ماعاد اقدر.. ناصر وهو متفهم وضعه:بس وشلون ماتقدر تتركها وانا اشوفك من يومين ماتدخن.. عزوز:ناصر بصراحه انا اتعالج..بس ماقدرت اتحمل اكثر وطلعت البكت الاخير "ان شاء الله" من شنطتي..ماكان ودي اقولك من الاول بس حبيت احطك في الامر الواقع.."نزل راسه" راح تنصدم مني كثييير..و راح تكتشف كل يوم شي يزيدكـ كرهـ فيني.. حط ناصر ايده ع كتف عزوز وقال:شدعوى ياعزووز اكرهكـ .. بس يرضيك يكون صديقك.. رهيين سقارهـ .. ظغط عزوز بقوه ع السجاره بإيده وطفاها..وقال:ناصر لاتكوون قاسي كذا علشان يعني انا موقادر اسيطر ع نفسي..تهزأ فيني.. ناصر:انا ما تهزأت فيكـــ عزوز:والله قوويهـ "رهين سقاره" لحالها.. ناصر يسكر الموضوع: ع العمووم آسفــــــــــ .. ناظر عزوز للبكت لفترهـ ثم ناظر ناصر وهو متألم قال:يااخ احبهــــا,, فهم ناصر ان قصده السقاير وقال: كانكـ تحبها اكثر من نفسكـ اعشقها مو تحبها بس.."قام من الكنبه" واذا نفسك اعز عليك من سم ملفوف بورق.. انتبه لانك كذا"رفع حاجبه اليسار"تحب الموووتــــــــ .."ومشى".. اثرت كلمات ناصر في عبد العزيز..وندم لانه رجع من جديد ودخن.. لكنه قرر ان يحاول قدر الامكان يتركهـ.. جلس عبدالعزيز بالصالهـ وكان منسدح بالكنبه ويناظر السقفــــ ,, حس ان الجو هدوء.. دور ع ناصر بعيونه,,.. شافه يرفع كموم بلوزته.. عزوز:على ويين لايكون بس رايح تظارب حد"وضحكـ" ناصر:لااا يابووو ..رايح اغسل المواعيين.. عبدالعزيز وهو يضحك:أي مواعينه.. الاكل من برا اليوم.. ناصر:كاسات الببصي.."وراح للمطبخ".. لحقه عبدالعزيز:هيي اصبر جاي اساعدكـ شغل ناصرالمويه وقال..من كثرها اقول اذلف كلها كاستين.. عزوز:لا ابي اغسل وحده..ع الاقل.. ناصر يصرفه:رح شووف يمكن ناراتو جا.. عبدالعزيز حاط ايده ع خصرهـ يستهبل:تصريييفه يعني.. ناصر:اجل وشووو.. عبدالعزيز:موولت عليك ذا جزاي جاي افزع.. ناصر:قلتلك ماراح اظارب.. دفه عبدالعزيز عن المجلى وغسل الكاسات.. ضحك ناصر وقال:يادبشه..كذا انا المرتااح.."يحسبه بس يبي يعاند" عبدالعزيز:وانا شأبي ..ابيك ترتاااح.. ناصر:ياحبيلك واللهـ .. راح كب عليه عزووز مويه..وغرق صدرهـ ارتاع ناصر وقام ظربه ع ظهره يصارخ:يالحماااار وش سويتلكـ عزوز يقاله رزهـ:لا تغاازلــــ .. ضحك ناصر من قلب ونشف ايده ببلوزته.. وراح شغل التلفزيوون.. ع اسبيستون.. وهالمرهـ هو اللي شغلها لعزووز.. جا عزوز.. وجلس بجمب ناصر.. وكانو يتابعون كونان صح ان ناصر مايحب افلام كرتون..بس كونان كان يحمله من النت اساسا.. حط عزوز ايده ع فخذ ناصر وهو بجمبه ناظره ناصر يعني"وش تبي".. (ذي الحركه دايم نسويها لاشعوريا).. عزوز:اممم عادي ادخن.. ناصر باستخفاف:ياحليلك وتستأذن.. عزوز:امم..ماودي اضايقكــ ناصر:ياولد ع المؤدبــ .. مايمديييني.."ضحك ثم قال" شووف هي لو في الاوضاع العاديه ابوافق بس لانها سقاره لاء.. ناظره عزوز بنظره كانت دايم تخلي ناصر يوافق وكأنها نظره مسكين يترجى شخص عظيم.. ناصر:كم مره اقولك لاتناظرني كذا.. عبدالعزيز:نصووور تكفى بس وحدهـ .. ناصر:اوووفــ يالله بس اليووم.. "كان ناصر يستحقر كل شخص يدخن بس ماحب يقول كذا لعزوز".. طلع عزوز سقارهـ وهو يتذكر وشلون قال بيتركها وماله ساعه من قالها.. رفعها وبطريقه علشان مايحسس نفسه بالذنبــــ قال لناصر.. تشغلها لي..؟؟ ناصر باستغراب:وليه ماتعرف تفتح ولاعه.. عزوز:إلا عاد شدعوى.. بس منكـ غير.. ناصر:جعل ايدي الماحي اللي يمحيها لو شغلتها لك.. عزوز يناظر الارض وبصوت واطي:افففف.. دخل ايدهـ ولع السقارهـ وبدا يشفطها .. امم بس شكل في واحد متضايق من ريحة السقاير.. لفـ ناصر للجه الثانيه وهو يقول:حشى ماقظت ذي.. عزوز:هه..لا تونا .."مسك وجه ناصر ولفه لجهته" لذي الدرجه يظايقكـ ناصر:يظايقني ان صديقي يدخــــن .. عزوز:اووفــ نااصر لا تقولي كذا.. ترا والله اتحطم..احسك بتتركني ناصر:هه.. يكون احسن لو تحـــس عزوز:ارجووكـ نصوور لا عاد تفتح معي ذا الموضوع ثاني.. حس ناصر انه ضايقه وقال:والله آسفـــ ترا اذا شي ظايقن وتكلمت ما احس بنفسي "وحط ايده ع كتف عزوز"وقاله بصوت واطي"خذها مني حتى" لو جا يووم وقالوا لي ان صديقك عزوز محشش" .. ماتكرتكــ" ابتسم عزوز وحط هو بعد ايدهـ ع كتف ناصر..وقال"ولو يوم صرت محشش وقالوا لي ان ناصر صديقكـ يكرهه التحشيش..درت الارض كلها اتعالج وارد لكــ" ضحكـ ناصر وقال:يعني نشبه.. ضحك عزوز وقال:اجل وشو... وقاموا يضحكون الاثنين سوا.. بعد فتــرهـ .. سأل عزوز ناصر:اسمع نويصر أكلمها اللحين.. ناصر:مين هي.. عزوز:امي.. ناصر:ووش تنتظر.. عزوز: خايف.. ناصر وهو واثق ان ام عزوز بتوافق:جرب حظكــ .. عزوز وهو رايح للغرفه علشان يكلمها:طيب وش اقولها.. ناصر:هنا يجي دوركـ عزوز:ما اعرفـ .. طيب تعال معي.. ناصر:لا ما اتدخل ذا شي بينك وبين امكـ .. عزوز بيأس:براحتك .. ودخل الغرفه وسكر الباب وراهـ ابتسم ناصر وهو يدعي في قلبه ان ام عزوز ماترجع من موقفها.. دق عبدالعزيز على امه وهو مرتبكـ .. دق دقتين ويوم ماردت على طول سكر..و طلع من الغرفه.. ناصر:هاه ..بشر.. عزوز:ما مداني بسم الله... ماردت.. ناصر:كم انتظرتــــ عزوز:دقتين وسكرتــ.. ناصر:اقوول اذلف مامدها تسمع لجوال.. عزوز وهو راجع للغرفه:اوووف.. يعني مافي فكه ناصر:يالدلخ لمصلحتكــ .. دخل عزوز للغرفه.. ودق على امـــــــــــــه .. حس ان احد رد.. "دق قلبه وتوتر" :: برب  |
|
|
|
03-23-2009, 01:48 PM
|
#12 | |
|
ô© يتيم الحب ©ô
|
اذا وصلتي الحلقه الاخيرهـ قولي عشان اتابعها ما احب الأنتظار <<<<<<<<<<< وراكـ مستعجل يبو
مشكورهـ يأحلا رنوشه وانتظر الحلقه الاخير هـ يعطيكـ العافية |
|
|
|
|
03-24-2009, 08:20 PM
|
#13 | |
|
مبدع فعال
|
تيـــــــــــــــــــــــ ـــــــــــــــــــــــــ ــــــــــت
|
|
|
|
|
03-25-2009, 10:06 AM
|
#14 | |
|
مبدع مميز
|
أهلين رحآل مرآح اقـــولك متى بتخلص الــــروآيه علشآن تقــراء معانا الأحـــداث
بــــآك ......... يآحلوووووين ردت امه:الــــو .. سكت عبدالعزيز وماقدر يرد..لانه مو عارف وش يقول ومافكر في اللي بيقولـــهـ .. امه: الووو ..الوو ..فيه احد..؟؟ عزوز بصوت مختنق:هلا يما ..أنـ.."ارتبك"... أنــااا.."وسكت فترهـ" امه:الوو..مين معي؟؟ "ردت ولانها كبيرهـ ماكانت تشوف الاسم" عزوز:يما انا ولدكــ عبدالعزيز امه بفرح:صدق..والله.. عزوز: ايه واللهـ.. "تجمعت دمعه في عيونه يوم سمع صوتها" امه بحزن:عزوووز هلا ولدي.. الا هذا هو صوتكـ وينك ياولدي عنا.. فقدناكـ وماتترك لنا عنوانكـ ولا شي وراهـ !! عزوز وصوته رايح صياح:يما آسفــ... يما والله احــبكـ .. امه ماقدرت تكمل ونست اللي في بالها:وانا يابعد رووحي احبكـ "وتخبروون المكالمه صارت صياااح × صيااااح وبالذات ان عبدالعزيز انسان رومنسي لآخر درجه ويمكن انتم ملاحظين بعد وكان اسلوبه الطفولي في بعض الاحيان يخليه صغير في عين امه مهما كبر" حست ام عبدالعزيز ان ولدها طفل.. وطفل فاقد امهـ ,, ومحتاج لاحد يكون بقربهـ وبالذات انها حست بغلطها عليه.. فسارت هي اللي تعتذر مو هو.. انتهت المكالمه.. بعد مارضت امه عليه ووعدها بأقرب وقت يجي ويسلم عليها.. فرح عزووز وماكان مصدق ان الامور بتمشي بهالسهووولهـ ومع هذا كله ماكان يدري ان ناصر له دوور باللي يصير.. طلع من الغرفه وهو متشقق فرح.. عزوز مستانس:نااصر.. رضتــ ,, رضت يانااصر ..امي رضت عليّ.. ناصر بفرح:والله..؟؟ عزوز وهو يمسح دموعه من الفرح:والله ياناصر.. اخيرا ماتتخيل وش كثر فرحت.. ابتسم ناصر وهو مستانس لفرح صديقه.. نقز عزوز فوق الكنبه وقام ينطط ,, وصدق مبين انه طاير فرح ناصر:بجد.. عليك انفعالااات غرييبهـ .. عزوز:والله لو تحاول ماراح تقدر تتخيل وش كثر فرحت .. لاهـ اليوم ضروري ناكل من مطعم..لاء ونروحه بعد,, ناصر: عزووز وبعدين معكـ تراك استنزفتني.. خلاص مابقى لي من مصروف هالشهر الا الف ريال.. عزوز:ناااصر.. تفكى الله يخليييييييك.. ناصر بجد: آسف عزوز انا بجد فرحان لك وودي اروح وياكـ بس خلاص هي ميب شغله كلش عليّ.. يعني أجار الشقه..والفواتير..والبانزين ..والاكل والشرب عليّ.. ماتحس ان مافيه عدل شوي.. حس عزوز على روحه:لا خلاص مو مشكلهـ.. ناصر وهو حاس انه طفى حماس صديقه:والله عزوز موب قصدي شي لاتشيل بخاطركـ عليّ بس خلك واقعي.. توني مسدد الفواتير بالجوال..حسابي مافيه الا اللي قلتلكـ.. ومامعي بيدي الا ميتين.. يعني باقي قدامنا شهر وش راح تكفي له الفلوس وحنا غدانا وعشانا من برا وان تطورنا سوبر ماركت وكلها تبي فلوس.. عزوز يهز راسه:ايه..داري والله..صح كلامكـ .. "وشغل التلفزيون.. حس ناصر ان عزوز وده يروح بس فكر بعقلانيه في كلامه اللي قاله ومالقى الا انه يسوووي كذا .. قام من الكنبه وطلع مفتاحه من جيبه وهو متوجه للباب.. عزوز:على وين.. ناصر:رايح مشوار وجاي.. عزوز:خذ راحتكـ لاتشيل همي.. ناصر:لا توصي حرييص.. عزوز:يالدوووبي ماتعرف تجامل.. ناصر: خء خء خء خء .. يالله يالقرد تامر على شي.. عزوز رافع حاجب:هين يالدوب انا قررد!! ضحك ناصر وقال:هه طيب تامر على شي اخلص عزوز:لا ابد سلامتكـ.. و"اشر له يعني سلام" وبنفس الحركه رد عليه ناصر.. وسكر الباب وراهـ.. انسدح عزوز في الكنبه بملل,,وجلس يفكر وش يسوي.. جته فكرهـ.. قام و راح فتح الدولاب حق الملابس وقال خل اكشخ شوي.. دام ماعندي لاشغله ولا مشغله وبهالمناسبه الحلوهـ بعد.. طلع له بنطلون جينز كان طويل عليه.. خلاه ماسفطه ولبس عليه "ونتو بكرامه" زنوبه اسود وابيض.. واخذله قميص ابيض ورفع كمومه وفتح حول اربع زراير.. وراح لم المرايا وحوس شعرهـ طلع شكله احلى رغم حوسه شوي.. وقف قدام المرايا الطويله.. وجلس يناظر نفسه.. وهو يضحكـ ..قال اكيد ناصر بيقول محشش شعندهـ الاخووو.. عـــــــــزوز.... والغالي على ذكرهـ جا..دق الجرس ثم سمعت صوت المفتاح.. عاد انا كومت الملابس ورميتها بالدولاب وسكرته بسرعه قبل لا يشوفني ناصر لانه دايم يهاوش ع هالحركهـ.. شافني وانا واقف عند الدولاب واضحكـ جا لمي وقال:وخر اشوووفـ قلت:لا لا.. ماكبيت الملابس.. ضحك وقال وهو مو مصدق:ماكبيتها..طيب خلني اشوووفــ.. قلت وانا مغطي ع الدولاب:يابن الحلال لاتدقق.. ضحك من جديد وقال ماودك نطلع نتمشى شووي.. قلت مستغرب:والله شكل وراك شي ابتسم وقال:ليه وش المشكله في اللي قلته.. قلت:لا.. لا ولاشي .. قال وهو طالع من الغرفه..بصرعه انتظرك تحت.. ثم رجع طلع راسه من باب الغرفه وكـأنه تذكر شي.. قام يناظرني من فوق لتحت.. قلت:هييي خير وش عندكـ.. قال:احلىىى ياحركتااات انتا.. لو ادري انك بتكشخ لنا كان خليناك تكلم امك من زمان.. قلت:هين يالدووبي شقصدك.. رفع حاجبه:ماقصدت شي.."رحت رميت عليه المخدهـ وهو انحاش ويصارخ: يلا احتريك تحت عند المواقف.. قلت:اصبببر ادور فردت شرابي.. سمعته من بعيد يقول:اوووهوو وبعدين معك كل يوم تضيع شراريبكـ قلت وانا اصاارخ:اقووول بس طس يالدووبي.. سمعته من السيب يقول:بطل هررج يالقرد واخلص.. قلت بقلبي:هيين انا اوريكـ.. لحقته ركض ومدري حتى سكرت باب الشقه وراي ولا نسيته.. مسكته من رقبته وقلتله:كم مرهـ اقولكـ لاتقولي يالقرد.. قام يعد بأصابعه يستهبل وقال:اوول مرهـ قلت:قوول آسف.. قال:تبطي عظم والله.. مسكت بلووزته وقربت وجهه عند وجهي:بتقوووول ولا لاء.. قال وهو مطلع لسانه:لاء.. جريت شوشته الطويله من قدام ومطيتها عشر امتار.. جا عبدالله"حق الاستقبال وهو يضحك":هييه شعندكم.. يالربع.. استهدوا بالله.. ناصر:لا اله الا الله.. قلت:انا إن ما ادبتك يالدووب.."طبيت فوقه وبطحته في الارض"... عاد ناصر ماقدر يقاوم كان ودهـ يكفخني بس من الضحك ماقدر.. عبدالله:عبدالعزيز..فضحتنا ياشيخ.. الناس رايحه وجايهـ قلت بإصرار:ماعلي منهم..وانت الثاني بتقول آسف ولا لاء.. لقيته متخدر من الضحك..وهي كانت نقطة ضعفه اذا احد دغدغه.. صرت انا اضحك على شكل ناصر وهو يضحكـ وعبوود بعد معنا تسدح ضحكـ.. رحت قومت ناصر لان كان منبطح بالممر يعني عليه شكل.. الموهيم اخذنا لنا دش حار من المسؤول الثاني بالسكن.. بس ضحكنا بالاخر ومشينا.. رغم ان عبود كان في البدايه شديد معنا بس اللحين صار من اخويانا وسرنا اذا انتها وقت مناوبته نناديه يسهر معنا.. ركبنا السياره ومرينا على محطة بنزين وعاد على طول انا وناصر فتحنا الشبابيك نستنشق هالريحه الخطيرهـ .. ناظرت البقاله وانا ألمح لناصر لان وكالعاده مامعي فلوس.. قلت:والله ذي البقاله شكل عندهم اشياء حلوهـ فهم ناصر قصدي بس يسوي مو فاهم وقال :ايه والله..بس مو زي سوبرماركتنا قلت:موولت يالعله.. قال يناظرني:يعني تلمح.. قلت:اخيرا فهمت!! قال:ماودي اعيد الكلام اللي قلته من شوي بالشقه.. قلت بصوت واطي:افففففففف.. سمعنا صوت واحد "يصارخ"ويطق الباب.. برب } .... |
|
|
|
|
03-25-2009, 08:47 PM
|
#15 | |
|
مبدع فعال
|
تيييييييييييييييييييييييت
|
|
|
|
|
03-27-2009, 04:10 AM
|
#16 | |
|
مبدع مميز
|
بـــــآآآك ...... ناظرنا انا ويا نصور..لقينا الهندي يبي حق البانزين.. ضحك ناصر وقال:الدبشه ذا مايدري اني فاتح الشباكـ قلت: ياااحليله.. مشينا شوي وقمنا نلفف بالشوارع وانا احس ان نويصر وراه بلا.. جاني كذا احساس خلاني اسرح واتبلد.. حسيت ان انا وناصر... لاء ماودي اقولها.. تعوذت من الشيطان.. سمعت جواله يرن رفع السماعه وهو حاط ايدينه ع الدركسون ومميل راسه"ماسك السماعه بكتفه".. قال:هلا والله وغلا.. ايه زين..اجل يلا سلام.."وسكر" والله ماتصدقون وش كثر احب هالناصر و ماودي يروح من حياتي..ووش كثر اتوتر كل مارجع لي هالاحساس.. ناظرت الساعه كانت احدعش ونص.. رجعت طليت في وجهه كان مبتسم ويناظر الطريق قدامه.. جلست افكر.. ناصر مبتسم ويضحك ودايم يخفف عني.. طيب انا ماعرفت وش داخل هالآدمي مافكرت مره اساله عن اخته امه ابوه اهله.. وش اللي خلاه يجي هنا ماعمري سالته عن احواله مشاكله ظرووفه بس انا اللي اشتكي دايم وهو يتحملني ويسمع.. نصووور..لاموني فيك كثير..ومادروا ان "لي فيك اسباااب".. انتبهت ان ناصر غير طريقه و"ديور" من الشارع يعني راجع للسكن.. استغربت بس ماعلقت.. ناظرته وانتبه لي ناظرني ابتسم ورجع يناظر قدام.. سألته:نصوور..شخباركـ..؟؟ رفع حواجبه يستهبل ولبق السياره على جنب..ناظرني ولمس جبهتي.. قلت:وش فيك.. قال:لا بس حاب اتطمن على حرارتكـ يمكن عديتك ولا شي.. قلت:يعني فيك حرارهـ ؟؟ قال:ايه وليش تسأل.. قلت:وليش انا ما ادري.. قال:طبيعي يعني لو انت عندك صداع وشلون ابدري قلت:اكيد ابجي وابقولكــ ,,"ثم فكرت شوي بجد انا اشتكي كثير" قال:لاء موب شرطـ فيه اشياء ماتجي تقولي عنها بس اعرفها قلت:ووشلون قال:اذا سألتك انا عنها.. قلت وانا حاس بتأنيب الظمير:يعني كل هالفتره فيك حراره وانا مدري قال:إلا تدري.. ماتذكر يوم بالبحر قلتلك.. حسيت اني حيوان لاني في كل مره افكر بمصلحتي حتى ماحطيت كلامه في بالي.. قلت:طيب وشلونك اللحين.. سكت شوي وحسيت انها بجد اول مره اقولها له..واساله عن حاله تنهد وقال:خلها على ربكـ.."وشغل سيارته".. لأول مره احس ان ناصر غامض..وان في كل هالفتره ماعرفت عنه الا ان عندهـ اخت يوم سمعتها.. وهو عرف عني تقريبا كل شي.. ناظرت الارض وانا منقهر من نفسي.. حط ايده على كتفي وقال:متظايق من شي..!! قلت:خليها على ربكـ .. ابتسم وقال:عزوز..دايم اذا تضايقت ..لاتقول يارب همي كبير.. قول ياهم ربي كبير..واكيد دام عندنا رب ابد مافيه كرب.. ابتسمت انا بدوري وحسيت ان ناصر انسان عظيم بالذات لو جلست معه ووصلت لنقطه يكون هو معك فيها بجديه.. "وقف السياره".. ناظرت من الشباك وصلنا للسكن.. طلع ناصر واشر لي يعني يلا.. نزلت ولحقته.. شفته راح لم حق الاستقبال وسأله عن شي.. اشر لي يعني اسبقني.. هزيت راسي يعني اووكيشن.. وشوي وجا وراي.. وقفت عند باب الشقه وفتحتها.. لقيت الشقه ظلااام مع اني اذكر اني ماسكرت لا لمبات الغرفه ولا الصاله.. استغربت.. وشوي بهالظلام طلع ضوء كشاف بالغرفه ع الجدار.. لقيت مكتوب كلام عليه ببخاخ الثلج حاولت اقر وبصعوبه قريت "دوووم الفرحه ياعزووووز" فرحت يوم قريتها عدتها مرتين وثلاث..بجد كان مكتوب ياعزوز.. طيب مين سوى كذا؟؟؟؟ دورت ناصر مالقيته بوسط الظلام..وشوي انطفى الكشاف.. سار ظلام..قلت:ناااصر..ناصر يالدوب وينكــ .. وسرت احاول اوصل لزر اللمباتــ .. وشوي.. تولعت كل الانوار..واسمع صوت طراطيع"حقت الحفلات"... وشوي اشياء تطيح من السقف الواان.. قلت يااهوو ونااااسه مين اللي مسوي كذا.. وشوي..اصوات دق سامري عاد انا اعشقه ..وشوي التلفزيون انفتح ومعلين الصوت.. دورت بعيوني على نصور.. طاحت عيني ع الطاوله...لقيتها مغرقه شوقلاطات وبباسي وبطاطسات كبيرهـ ليز حار وجبن ودوريتوس وبجمبه اندومي صحن كبييير وبطاطس مقلي وكندر وخرابيط و..و.. واللي لفت انتباهي مصلحين كيكهـ.. وعليها شموع صغيرهـ مكتوب عليها "دوووم فرحتك ياعزوز" وبعدين مكتوب عالجنب بالتوفي.. n,s,3,m,a على طول عرفت انهم ناصر وسالم وملوكي وعادل وعبوود.. ناظرت لم الغرفه لقيتهم واقفين وبالنص معهم ناصر.. ركضت لمهم.. وخميته..وانا مستانس.. ثم خميتهم واحد واحد.. وانا ابطير فرح.. ثم جلسنا نستهبل ونرقص ع الدق.. وبلعنا شوقلاطات كان بجد وناااسه.. فرحت من قلب..وانا اقول بجد الله يديم هالفرح.. جلسنا ع الطاوله وكان عادل يصبب لنا الكولا والببسي.. سألتهم..مين صاحب هالفكرهـ.. كلهم ناظروا ناصر عرفت انه هوو.. وقمت لانه كان جالس قبالي وجلست بجمبه.. كان يووم خطير..ذاكرات جوالاتنا كلها تعبت من الصور والتسجيلات اللي سجلناها ومقاطع الفديو.. فرحت مرهـ بجد ورغم كان ودي اروح لمطعم بس قلت وش المطعم ياشيخ والله ولا احلى مطاعم لشرقيه مايسون هاللي سووهـ والاحلى ان لما يكون كل ربعك واخوياك يشاركوونك فرحتكـ .. مانمنا الا بعد صلاة الفجر.. وكان العشى على حساب عبوود مسكين توهـ مستلم الراتب وحطه نصه بالاكل.. قلتله: والله ليتنا عرفناك من قبل ياعبود قال:والله انا ليتني عرفت من قبل ان فيه ناس رهيبين بالسكن وانا مدري عنهم.. قال سالم:الله يخلي ناصر اللي جمعنا الليله.. ناصر:هه الله يخلي عزوز اللي خلاني اتعرف عليكم بصوته..وضحكـ عادل:الله يخلينا لبعض وبس اختصروها.. ملوكي:يالله شباب استانستوا وفرحتوا..يالله ع بيوتكم..اذن الفجر وبتطلع الشمس.. عبود:جد والله.. عيدوها مرهـ ثانيه ناصر وهو يضحك:اعجبتك الشغله يعني.. عبود:والله ياويلكم وياسواد ليلكم لو تسون مثل هالخرابيط من وراي.. قلت:وحنا نقدر نسوي شي بدونكـ سالم:يالله شبااب تأخرنا.. ويبي لنا نرتب نومنا باقي يومين ع الجامعه.. عادل:جد والله..يالله مشينا.. قاموا العيال وودعناهم..وكلن راح.. ناظرت المكان كان بجد حووسه..بس فديت هالحوسه دامها خلتني كذا مستانس.. ناظرت ناصر لقيته يجمع الصحون والكاسات.. رحت انا جمعت القراطيس..ورتبنا المكان حول سبع دخلنا الغرفهـ.. حطيت لي بطانيه تحت سرير ناصر وخذت مخده.. ونمت بالارض ناداني ناصر:هييه.. خير يالاخوو.. قلت:وش فيه.. قال:اقوول اطلع نام فوق.. قلت:لا ماودي اضايقك كافي خسرتك كثير.. قال:لا شدعوى كلها ماكلفتن ميه وخمسين ريال.. قلت:وتشوفها قليله..؟؟ قال:وهو يغلى عليك شي.. يالله جد ارقى فوق قلت:ناصر.. خلني مره وحده احس اني سويت شي علشانك ابتسم وقال:اذا تبي تسوي بجد شي علشاني نام بالسرير.. قلت بعد اصرارهـ:دامه يريحك..ابنام فيه.. ونام هو بالارض.. مدري بصراحه وش اللي جابر نصور يسوي كذا.. كل يوم يزيد حبي له.. وكل يوم يمر يوتر اعصابي.. باقي يومين ع الجامعه ويومين ثانيه ع نهاية الاسبووع... وانا مع التفكير ماحسيت بنفسي ونمممممممت.. برب .... |
|
|
|
|
03-27-2009, 07:41 PM
|
#17 | |
|
مبدع فعال
|
تــــــــــــــــــــــــ ـ ي ـــــــــــــــــــــــــ ـــــــــت
|
|
|
|
|
03-29-2009, 02:47 AM
|
#18 | |
|
مبدع مميز
|
بــآآآك} ... اليوم بنزل لكم جزئين ناصـــر.... قمت اتقلب ماجاني النوم رغم اني تعبان واحس جسمي متكسر.. تذكرت وحدهـ بجد احس اني مقصر وساحب عليها.. دخلت ايدي بجيبي..لقيت الجوال بوسطه طلعته وفتحت انشاء رساله.. وكتـــــبت .. ((فقدتكـ ,, وجيت اتصل..ثم هونتـــــ .. دامكـ بقلبي وش يفيد اتصالي,, ماراح اشغلكـ ,,بقول وين انتــــــ .. ولا انتـــِ ساكنه فــــكري وخيالي,,)).. حطيت الجوال بجمبي وحاولت انام.. سمعت صوت رسالهـ قلت اشوهـ اجل صاحيه ما زعجتها.. فتحت الرساله..كان مكتوب ((عطــني سبب وآحد يبرر غيابكــ يعني اذا طمنتني,, مابها عيبــــــــ ع الاقل ارســـــــل وش اللي غدآبكــ انـســى المحبـــه واعتبرها موآجيـــبــــ)).. حسيت قلبي اعتصر لاني انسان ما اقدر اوفي بين اكثر من شيئين.. اذا اهتميت بشخص لازم انسى واحد ع حسابه.. رجعت وارسلتلها ((لك وحشه يالغالي بغيبتكـ لولاك بالقلب ما جا للوله طاري وحشتني بسواليفك وطلاتكـ لكن وش اسوي لا جارت اقداري حبيت ابين غلاك وطابت اوقاتكـ هذي سوالف غيابيـ وهذي آخر اخــــــــــــبــــــــــ ـــــــــاري.. )) بعد شوي ردت.. ((اضحكـ فدتكـ الرووح يا غالي.. اضحكـ وخـــــــــل العمر يهنآلي.. اضحكـ وبابـــــ الهم بنصــكهـ .. محدن بهالدنيا تــــــــرا خالي.. والكل من هـــــمه يبي الفكهـ .. وغـــــيركـ بــهالـــدنيا انا مالـــي.. يا اغلى وأروع شي عـــرفتهـ .. )) مدري وشلون حست اني متضايق.. ودي كان اكلمها وادق عليها.. لكن الوقت مو مناسب.. واخاف بعد يقوم عزوز ويصير موقفي مال ابوهـ داعي..سكرت جوالي..ونمتــــ .. بعــــــــــد فتـــــــــــرهـ .. آآآوووتـــ .. احس المكيف طاح فوق صدري.. لاء وش المكيفــ إلا الثلاجه شكلها طاحتــ عليّ.. فتحت عيني بصعوووبهـ .. ونا اقول يااهوو وش السالفه.. في البدايه ماقدرت اميز وش اللي طاح فوقي.. وشويتين اشم ريحة شامبو.. لايكون بس نمت بالحمام وانا مدري.. حاولت افتح عيوني ماقدرت من ضوء الشمس..انتظرت لين تأقلمت عيوني وفتحتها.. ارتعت يوم شفت شي اسود قدامي.. وما مرت دقايق الا ونا ميت ضحكـ يوم قدرت اميز هالشوووشه اللي قدامي.. دفيته لانه الدوبي طاح من السرير فوقي.. وماكان فيني حيل اقومه لاجل مايطير مني النوم.. ورجعت نمتـــ ,, وانا فيني ضحك بس مالي خلق اضحكـ جا من بكرا الساعه وحدهـ ونص الظهر.. قمت من النوم.. صليت الظهر ورحت قومت عزوووز.. جلست اصارخ عند اذنه وهو ولا كأن احد بجمبكـ .. قلت:عزوووز يالدوووب"ورفسته".. قال وصوته رايح مناكـ :ناااصر خلني اناام.."وقلب ع الجهه الثانيه" قلت:عزووز ترا والله ان ماتقوم لا اتمردغ ببطنكـ .. قم يامال الـ ... قاطعني:تكفى نويصر اذلفـــ .. قلت:يالييييلــ يعني ابسنتر هنا بلحالي.. اسمع جا ناراتو.. رد وهو شبه نايم:وش اسويله..جا طيب افتحله البابــ.. قلت:عزووز يالماصل..يلا قوووووم.. وشوي دق الجرس ورحت افتح البابـ .. طليت من العدسه لقيته سالم.. فتحت الباب.. قلت ياهلا والله وغلا بسويلم.. قال بعد ماسلم:ياهلابك اكثر.. إلا اقول ناصر.. عندك عبدالعزيز قلت:بوهـ مير نيم.. قال وهو فاتح عيونه:وشوووو قلت استهبل لاني داري ان ماراح يفهمها :بوهـ مير نييييم.. قال:طيب لا تصارخ بس وشي ذي..!! ضحكت عليه وقلت:موجود بس نايم.. ضحك وقال:عليكم مصطلحااتـــ قلت:اقووول طس من مايعرفها ذي.. قال: إلا قول ميين يعرفها.. ضحكنا سوا ثم قالي:ذا جواله اخذته امس بالغلط لانه نفس جوالي.. "سولفنا شوي ثم راح لان كان عندهـ مشوار" رجعت لقيت عزوز قام وفي الحمام يغسل وجههـ مريت عليهـ وقلتله:صباح الخير.. قال:صباح النور.. يوم طلع قالي وصوته ثاقل وعيونه تقل واحد سكران: يعني لا نمت انت بالسرير ولااني انا اللي نمت فيهـ .. قلت وانا كاتم ضحكتي:والله مدري عنك انت اللي طحت فوقي.. قال يستهبل:وعجزان يعني تقومني..اللهـ يغربل ابليسكـ .. إلا ماقلت لي من اللي دق الجرس.."وقلتله السالفه.. راح للمطبخ وبدا يحوس بالدواليب ..دخلت معه وزينا فطور.. جلسنا بالصاله وكان حاط ع اسبيستون توم & جيري.. بصراحه ارتفع ظغطي من مصالتهم بس حاولت اتحملــ ,, بس بعدين قمت من السفرهـ لان بطني تقلبت فوقــ تحتـــ من طريقة اكل عبدالعزيز.. كان يحط بيض ثم عسل.. قلت:الله يقرفكـ وش تسوي انتــ قال وهو ياكل:والله لذيذ ..ماجربته انتـــ قلت:الله يحوم تسبدكـ قال:طول عمركـ وماعندك سالفهـ ! قلت وانا انفظ فتافيت الخبز اللي عليّ.. الله يصبرني عليكـ قال وهو مطنش كلامي:باقي من البكسويت اللي بالدولاب.. قلت:ايه باقي بس ماراح تاخذ.. قال:ولييه؟؟ قلت:لانك بتصير دوبي على كذا.. قال:ياليييل .. ياخ ماشبعت وش عندكـ ..؟؟ قلت:هي موب على كذا..لانك ماتعرف تاكل"بكسويت"على قولتك زين قال:اووووفــ ياخ قلق.. قلت:احمد ربكـ متحملكـ ومتحمل مصالتكـ .. قال:وغصبن عليكـ بعد قلت استهبل باسلوب جاد:اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي.. (فهم عليّ عبدالعزيز غلط) وقال:يعني بتمن عليّ.. قلت:لا والله ماعمري منيتــ ولا احب امن على احد"كنت استهبل يوم اقولها" قال وهو يقوم من الطاولهـ :واللحين كل ذا مو من,,..!! قلت:وش فيك انت بسم الله,,, قام راح(وهو معصب)من السفرهـ وقال: خليت الباقي لكــ عصبت انا من حركته قمت مسكته من كتفه وقلت:تعال انت هيه.. وشفيكــ !! لف علي وناظرني نظرهـ .. هدتني.. وقال:فكني يالحقـــير.."حس عبدالعزيز انه يطر وانه ذال نفسه عندي كل هالمدهـ هو كيف فهمها .. مدري عنه" ناظرته ثم فكيته وقلت:ذا جزاي يعني اللحين تقولي يالحقير.. قال وهو لاف وجهه:الله لايحيجني لأحد.. رفعت حاجبي:صدق.. اتق شر من احسنت اليه.. ناظرني وهو حاقد:يعني مازلت مصر اني انا اشحذ منك وانك محسن ومتفضل علي.. عصبت انا وقلت:انت شكل فيكـ شي.. وش قالبك فجأهـ رد وهو ينافخ:اتق شر من احسنت اليه؟؟.. شكرا اخوي ماطلبت احسانكـ.. يامهزوز الشخصيه.."قالها وانا احس انها من قلب" قلت وانا منفجر قهر منه: انا ولا انت مهزوز الشخصيهـ يالمريض..؟! (كنت اقصد السقاير).. قال وهو معصب:اصير مريض جسدي ولا مريض نفسي.. عاد انا هنا بس خلاص تحطمت يعني بجد هو يقصد كلامه يعني انا مريض نفسي.. حطيت عيني بعينه وناظرته بقوهـ وقلت:عزوز .. تصدق.. الشرهه موب.. عليك الشرهه عليّ انا الحيوان اللي فكرت في يوم اساعدكـ.. قام هو وراح للباب وقال:رحم الله امرء عرف قدر نفسه.. وانا ماقلتها انت بنفسك قلت انك حيوان,,.. وسكر الباب وراهـ بقوووهـ.. بصراحه انا بذاك الوقت اعصب مني مافيه.. حاولت اهدي وانا منقهر منه ومن اسلوبهـ الحقير يعني انا مهزووز شخصيهـ .. انا اقول عن نفسي حيوان بس هو لاء.. جلست ع الكنبه وانا متكي بايدي على رجليني ومغطي راسي.. بجد توترت وانا اعيد اللي سار بمخي.. يعني اللحين وين الغلط باللي قلتهـ ,, دقيت عليه لاني اعرفه متهور مدري لاعصب وش بيسوي.. دقيت عليه كثير..مرتين وثلاث وعشر ماكان يرد عليّ.. سكرت جوالي وانا منقهر منهـ ,, قلت بقلبي اكيد بيراجع نفسه وراح يعرف انه غلط بإلي سواهـ وبيرد بعـــد ساعتين بديت اقلق اذن العصر واخونا في الله ماجا.. رحت اسأل عنه العيال.. سألت ملوكي وعادل قالوا ان ماشفوهـ من امس.. سألت عبدالله والهنود والموظفين.مايدروون.. تذكرت سالم دقيت عليهـ الباب.. فتح لي الباب ودخلني.. قلت اسمع سالم ماراح اطول بس ابسألك عزوز فيه ولا لاء.. ماشفته!! حسيته ارتبكـ ثم ناظر لغرفته وقال:لاء ماشفتهـ قلت وانا مو مصدقهـ:ايه اجل خلاص سلام قال:ليه تسأل عنهـ قلت:لا بس تأخر ع البيت ومايرد ع الجوال.. قال:اذا شفته علمتكـ طلعت من شقته وانا مو قادر اصدقه دقيت على عبدالعزيز وانا واقف عند الباب..سمعت نغمة جواله.. عرفت انهم يكذبون عليّ.. قلت اهم شي انه قريب وعند سالم..يعني مافيه خوف عليهـ ثم فكرت اللحين هالخايس يستحق افكر فيه واشيل همه.. سار ضميري وقلبي يتاصرعون.. مرهـ اقول لا شدعوى ياناصر تخلي تفاهات تفرقكم ومرهـ اقول هو اللي شبها وتبلى عليّ.. مــــر وقت طويل وانا بالشقه اقول وش النهايه ياهووهـ رحت زينت لي غدا وقلت مافيه الا ان اطنشهـ لاني مازلت اشوف انه الغلطان.. صلحت غدا بس ماهان عليّ اتغدا واخليه بدون غدا.. رحت زينت له بصينيه لحاله وحطيت ببسي وملعقه وزينت صينيته وحطيتها ع الطاولهـ حطيت جمبها ورقهـ وكتبت عليها.. (( عزوز .. هذا غداكـ .. احتريتكـ بس طولتـ .. اذا احتجت شي تراي نايم بالغرفه )) ووقعت بعدها.. دخلت الغرفه ونمتـــ .. حسيت بصوت مفاتيح حاولت اتغاضاها ونمتـــ عــــــــــزوز.... دخلت الشقهـ وانا مغصوب بس لأن مافيهـ مفر منها.. شميت ريحة كبسه..عرفت انه ناصر.. ناظرت الطاولهـ شفت صينيه وبجمبها ورقه.. عرفت انه هو اللي كاتبها قريت الكلام واول ماشفت عزوز تذكرته وهو يبتسم بالسيارهـ يوم امس .. مدري ليه تذكرتها كملت الباقي وعرفت انه كان يحتريني حسيت بتانيب الظمير بس يوم تذكرته يقول (اللحين انت المفروض تاكل تـ ... وتسكت ,, احمد ربكـ اني مخليك بعد تسكن عندي) انقهرت منه وحطيت بجمبها ورقه وكتبت.. ((اللهـ لا يحيجني فيوم لفضايلكـ)) عبدالعزيز.. وانسدحت بالكنبه حقت الصاله وعطيت الصاله ظهري ونمتـــ .. قمت على صوت جوال كان يهز عند رجلي.. مديت ايدي وناظرت كان جوال ناصر,,.وكان بعد " حبي الاول والاخير يتصل بكـ" كنت ابموت واعرف من هاللي متصل لان ناصر اتصالاته قليلهـ سمعت صوته جاي من باب الغرفه رميت الجوال بالارض وعطيته ظهري.. بــــــرب}... .gif) |
|
|
|
|
03-29-2009, 09:04 PM
|
#19 | |
|
مبدع فعال
|
تــــــــــــــــــــــــ ــيــــــــــــــــــــــ ـــــــــــــــــــــت
|
|
|
|
|
03-30-2009, 02:26 AM
|
#20 | |
|
مبدع مميز
|
 بــآآآك }.....جا ناصر وهو معصب.. ينافخ وشكله مدروخ وصوته تعبان قال:حتى الجوال ماسلم من شركـ ثم ناظر للورقه.. وشال الصينيه وطلع بها برا.. رجع بعد شوي وهو يقول:والله هنود تعطيهم يدعون لك ويفرحون وصديق تعطيه جوعه عليك مايهون يرفضه وما يقدر حتى لو كان قبل معك يمون.. رفع جواله وانا احس انه دايخ ثم راح لغرفته وصكر الباب وراهـ .. سمعته يكلم ماقدرت القط غير كلمة"هلا حبيبي"لان الصوت بعد كذا بدا يوطى شوي شوي..لين ماعد صرت اسمع له صوتـــ .. جت ساعه وثنتين وثلاثـــ وانا مو قادر انام لاني جوعان دخلت للمطبخ وحاولت ألقط لي شي من الثلاجه قبل لايشوفني.. بس لحظه.. وينه هو من ثلاث ساعات تقريبا ماطلع اذن العصر والمغرب وهو بغرفتهـ .. خفت عليه لانه من النوع اللي نومهم مو ثقيل.. مشيت شوي شوي وناظرت من طرف الغرفهـ .. لقيته طايح بالأرض.. فتحت الباب اكثر وانا مرتاع بس كل ما اتذكر اللي سار ارجع.. طلعت من الغرفه بس ضميري مازال يأنبني.. خفت بصراحه لايكون جاهـ شي.. دقيت على سالم وقلتله بسرعه يجي..ويوم دخل وشافه انا كنت واقف عند باب الغرفـهـ سالم:يالدبشه تعال صديقك مغمى عليهـ وجسمه حار.. وقفت مكاني ماقدرت اسوي شي.. قال وهو معصب:مامنكـ فايدهـ ..ودق على عادل وعبدالملك وراحوا شالوهـ للمستشفى وانا زي الدلخ بوسط الزحمه.. ناظرت للمرايا صفقت نفسي كفـــ يمكن اصحى مع العالم اللي حولي مدري شفيني يعني هالحين كل هالوقت وانا وياهـ سوا وماحد يقربنا وبالوقت اللي هو محتاج لي فيه اتركه.. يعني هو فيه يوم انا وقفت معه وسويت شي لأجلــــــــــه .. لحقتهم واخذت مفاتيح سيارته للمستشفى الوحيد بالحي.. لقيتهم دخلوهـ وجالسين ينتظرون الدكتور قبال غرفتهـ سألت عادل: هاهـ كيفه..؟؟ ناظرني بإستحقار:تو جاي تسأل.. وشوي طبع عبدالملك كف في وجه ولد اخته وقاله:احترم نفسك في المرهـ الجايه.. عبدالملك:عزوز..اسف نيابه عن هالخايس.. قلت وانا متبلد:لا عادي ماسار شي.. طلع الدكتور من الغرفهـ وكلهم وقفوا ويسألونه عن ناصر.. إلا انا.. قال الدكتور:صاحبكم تعبان أوي .. عندو سوء تغزيه وارتفاع كبير بالحرارهـ مابعرفش لو كنتو تأخرتو بس شويتين ايه كان بيحصل .. عادل:طيب نقدر ندخل عنده يادكتور.. "كل ذا وانا زي الاطرم ساكت" الدكتور:مابتأدروش تودخولو كلوكو.. حيخوش واحد وبعدو تاني كمان واحد.. عاد كل العيال قاموا يناظروني عرفت ان قصدهم انا اللي ابدخل.. تقدمت وفتحت البابـــ .. دخلت سمعته يتنفس بصعوبهـ قربت منه ولمست راسه.. كان بجد حار.. كان مفتح عيونه بس مدري هو مصحصح معي وشايفني ولا لاء.. تقطع قلبي وانا اشوفه ومو قادر اسوي شي,, وهو كان يناظر السقف سمعته يتنهد ورا بعض.. وبحركه لاشعوريه.. ضغطت على يدهـ كان ودي اقوله نصور انا معك بس لساني خاني وقتها.. لف وجهه بصعوبه لاحظتها وقال بصوت يالله اسمعه:عبدالعزيز,,.. ماقدرت ارد عليهـ .. لف وجهه ع الجه الثانيه وقال:بس هنا اقدر ارتاح.."غمض عينه ضغط على يدي شوي وهو ماسكني ثم بدت ايدهـ ترتخي شوي شوي,, ونام".. قمت انا وانا ماودي ابعد عنه بس لان فيه ناس تنتظرني وانا طالع سالني سالم:هاهـ بشر.. مشيت وماقدرت ارد عليهـ وطلعت برا المستشفى.. قمت افكر بطريقي اللي سويته صح ولا غلط تذكرت وجهه ويوم ظغط على ايدي.. حسيت انه ماكان بوعيه او ان اللي سواهـ كان من كثر التعب وانه ناسي ان تهاوشنا.. دق علي سالم وقال انهم بيروحون وان ناصر بيجلس لين بكرا وبعدها بيطلع اذا تحسن وانهم يبون اجيب له ملابس.. قلتله طيب ان شاء اللهـ وفهمت من تلميحاته ان مافيه حد غيري بيكون مرافق لهـ.. رحت للشقه وزي ما قالوا لي.. جبت ملابس وخذتـــ شاحنه وجوالهـ رحتــ للمستشفى وانا ادور بين الاسياب على غرفتهـ.. طقيت الباب مالقيت عندهـ احد .. رتبت ملابسه على جنب وخذت من السيرفيس اللي عندي مويه بارده وثلج وخذت منشفه وصرت احطها على جبهته وبسرعه كبيره تحر المنشفه وسرت كل شوي ابدل المويه ورايح وجاي من اليوم .. تقريبا من اذان العشاء إلى الساعه عشر جو الممرضات وحطو عشاهـ لو قام.. استمريت في الحط والشيل وانا ادعي ان الله يشفيه بأقرب وقتـــ ويوم جيت ارفع المنشفه واعصرها حسيت انه قام.. ناظرته وهو يناظر الجهه الثانيه ،،،قال:راحوا العيال.. هزيت راسي.. قال:عزوز...ليش تسوي كل ذا وش علشانه.."قصدهـ ع الكمادات" قلت:ارد بعض فضايلك عليّ قال:عبدالعزيز انا كم مرهـ قلتلك اني ماتفضلت عليكـ وش اللي مخليك تقول كذا قلت وانا احط المنشفه على جبهته:ناصر ارجوكـ لا عاد تناقش في شي راح.. ناظرني ناصر بتوسل فهمت منه ان انسى اللي راح.. ناظرته نظرهـ مدري وش القوه اللي خلتني اناظره كذا.. وقلتله:ناصر خلااااص اللي بيننا انتهى.. قال:من جدكـ انت ؟؟ كذا بسرعه تنسى كل شي!! قلت:زي ما احبــ بسرررعه انسى بشكل اسرررع.. قال بجد:اجل تفضل حبيبي ما احتاج خدماتكـ قلت:موب على كيفكـ انت تعبت معي كثير وانا لازم ارد لك ولو شوي قال:عزوووز لو سمحت انا بجد ما احتاج لكـ كافي اللي جاني منكـ دام ماتبي نرجع سوا.. لاتقعد كذا معي كانك واحد مجبر ع الجلسه ماعرفت وش اقولهـ بس قمت من مكاني وانا اقول:ان شاء الله اشوفك باقرب وقت وبصحه وعافيه.. وترا ملابسك وجوالك بجمب الكنبهـ "واشرت له يعني سلام" قال:بالتوفيق.. سكرت الباب وراي وانا منقهر من نفسي ومنه.. بصراحه ماكان ودي اقوله كذا بس هو قهرني.. خلان احس اني طول هالفترهـ جالس على احسانهـ واني لو كنت بدونهـ ماراح اكون شي.. هي بصراحهـ كذا يعني انا بدون ناصر ... !!! مدري وشو .. ياااربـــ طلعه بالسلامه.. وخلي اللي يصير اللحين ينتهي بسرعهـ ,, رحت من المستشفى للسكن وقابلت بطريقي سالم.. قالي:هاهـ ما اشوفك مع ناصر قلتله:سالم تعرف اننا تهاوشنا.. ماله داعي اعيد في اللي قلته لكـ .. الحياة اخذ وعطى.. وانا اللي ابسويه له مجرد رد جميل.. بس اذا كان هو مايبي انا مو مجبر.. سالم:هو قالك مايبي؟! قلت:تقدر تقووول !! سالم:عزوز انت اكيد فيكـ شي .. انا اعرفــ ناصر وكلن نعرفهـ انا ونت مستحيل يقول كذا الا انت قايل لهـ شي.. نصور قلبه ابيض.. ولو اظطر في لحظه انه ينسى اللي يبيه نساهـ بسهولهـ قلت:بس اذا بغى اسود من قلبه ماتشوووفـــ .. "تذكرت نظرته لي بالمستشفى حسيت اني كذاب او شي زي كذا" سالم وهو رايح:صدقني بتخسر ناصر .. انقهرت من اسلوب سالم وقلت: والله يايبا هو اللي بيخسرني.. من بعيد طل علي وقال:لا تضيع أي فرصه من يدينكـ .. الدنيا ماتعطي فرص كثير.. اذا جتك لا تضيعها ونصوور لاتردهـ.. فكرت بكلامهـ شوي ثم مشيت لـ الشقهـ .. طلعت المفتاح من جيبي وانا اتذكرهـ يوم اعطان نسخه من الفتاح حق الشقه وهو يقولـــ :عزوز هذا اللحين بيتكـ ضروري يكون معك نسخه ع الاقل من مفاتيحهـ .. فتحت الباب ودخلتـ .. كان المكان هادي وهدوءهـ ممل.. جلست بالصالهـ لاني بصراحهـ ماتجرأت ادخل غرفتهـ كنت اول اقول (غرفتي او غرفتنا) لكن اللحين مستحيل تخرج مني هالكلمه كنت احس ان هالمكان مو مكاني وان صعب اجلس فيهـ بدون ناصر.. حتى الريموت ماتجرأت المسه.. سار خيال ناصر معي في كل مكان وكأني اتجنب يشوفني محتاج له او استخدم شي من اشياءهـ .. بدأت اسمع اصوات في بطني..لكن تحملت وقلت مانيب فاتح الثلاجهـ ,, و مشكلتي ان كانت عندي عزة نفس ذابحتني ومتعبتني بنفس الوقتــــ ,, ماكنت ابيه يحس اني جوعان وان واجب عليهـ يتفظل علي ويعطين من اللي عندهـ .. مر الوقت ببطئ وبشكل ممللللللــــ .. جت الساعهـ وحدهـ ماصدقت تجي وحطيت راسي بالكنبهـ بس ياليتها انتهت كذا صرت اتقلب وماجاني النوم.. تذكرت نصور وحسيت بالذنب لانه كان تعبان وتركته.. طلعت جوالي ودقيتــ عليهـ كان الوقت متأخر بس قلت مافي الا كذا رد علي.. وبعكس اللي سويته لهـ ماكنت متوقع ابد انه يرد عليّ لاني طنشته يوم دق علي العصر.. رد بصوت مبحوح:هلا..واللهـ.. قلت متاظهر بالجديه ولا انا ماعندي سالفه:هلا ناصر.. قال وهو يكح:هلابكـ اكثر.. قلت:نمت ولا توكــ حسيت انه استغرب وقال:لاء .. وانتـــ ؟؟ قلت:لا ماجاني النوم .. بس كنت حاب اتطمن عليكـ محتاج شي ولا,,,؟ قال:لا ابد سلامتكـ .. بس انت لو احتجت شي ترا محفظتي فوق الدولابــ ... قاطعته:لا ارتاح ما ابي شي ولاني ان شاء الله محتاج لكـ قال وانا يالله اسمع صوته من البحه:اجل يالله تصبح على خير.. قلت:وانت من اهلهـ .. قال:سلااام "وقام يكح.. قلت:سلام,,.. سكرت وانا احس ان مالي داعي بس بجد كنت فاقدهـ وابي اتطمن عليهـ يمكن مو اتطمن بس اسمع صوته واشوف اخبارهـ بدا ظميري يأنبني وبديت احس اني سخيفـــ وان بسخافتي ذي ابخسر اعز صديق بحياتي.. تقلبت كثير لين الساعه ثنتين وربع.. قمت وصليت وانا ادعي ان الله يختار لي اللي فيهـ الصالح والخير.. ومانمت الا بعد ماصليتـ الفجر والجووع طاقني ع الآخر.. نـــــــــــــــاصر.... ههـ بيسوي ذوق ومؤدبــ .. مالت عليكـ يالحقير .. تصدق عزوز ودي بس اقولك خمس حروف وليتـ تفهمها وتركز بمعانيها..لانها طالعه من قلبي..عبدالعزيز انا (( أ كـ ر هـ كـ )).. اكرهك.. كثر المرات اللي حبيتها فيك واشتقتلك اكرهك.. كثر المرات اللي حنيت فيها لك وفزعت لك.. اكرهك.. كثر المرات اللي ضحيت فيها لجلك اكرهك.. كثر المرات اللي ضيعت فيها فلوسي لمطالبك.. اكرهك.. كثر ماجرحتني بنظراتك..وكثر ماحرقت جسر حاولت ابنيه بعد ماهدمته انتـــ عزوز .. اكرهكـ بكل ماتعنيه حروووفــ هالكلمه.. انا بجد بعد ماشفت كل ذا منكـ يالقاسي ما اقول الا اني اكرهكــ .. ومتحسف ع الايام اللي ضيعتها معكــ بس تدري يالظــــــــــــــالم .. اشتقت لكـ واشتقت لايامكـ.. بس شأسوي لا الظروووف اجبرتني اكرهـــــــــــــك .. مسحت دمعه تجمعت بعيني .. مدري هي دمعه.. حزن لحالي ولحال هالعزوز ولا دمعه نزلت تصارع قلبي وتعاكسه.. ولا هي دمعه تخط حسافة صدق احساسي مع واحد طلع كذابـ .. ولاهي دمعه تدافعه عنه.. ولا هي دمعه كذا بدون أي احساس.. مدري دموعي صارت بدووون معنى.. ولا انا اللي ماصرت لاسبابي اطلع معنى يااخ ليش الدنيا كذا لانفهمها ولاهي براضيه تفهمنا.. قمت توضيت وبصعوبه وصلت للحمام لاني كنت احس اني دايخ بس صليت ودعيت كثير ان الله يحسن الحال اللي حنا فيهـ.. وبعدها نمتــــــــ .. برب |
|
|
|
|
| مواقع النشر (المفضلة) |
| الكلمات الدلالية (Tags) |
| ماتغير, صآآآر, فاضي, هـآلمكان |
«
الموضوع السابق
|
الموضوع التالي
»
| أدوات الموضوع | |
| انواع عرض الموضوع | |
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| روايــة ماتغير شي ... بس هالمكان صار فاضي | رنوووشه | القصص والروايات | 8 | 06-19-2009 01:04 AM |
| نكمل الروايه .. ماتغير شي بس هالمكان صار فاضي | رنوووشه | القصص والروايات | 7 | 06-18-2009 09:26 AM |
| فاضي & ماعندك شغل | سمو المشاعر | الركن العام | 4 | 05-16-2009 02:10 PM |
| موضوع فاضي لحد يدخل | رنوووشه | ركن المسابقات | 11 | 03-27-2009 04:14 AM |
| نك نيم فاضي في الشات أو الماسنجر | دفئ المشاعر | мşή × мşή | 3 | 07-28-2008 08:48 AM |
المتواجدون حاليا: 13 (2 الأعضاء و 11 الزوار)
المواضيع: 81,187, المشاركات: 266,007, الأعضاء: 11,428
نرحب بالعضو الجديد:, ليتنيـے همـ گ.
المواضيع: 81,187, المشاركات: 266,007, الأعضاء: 11,428
نرحب بالعضو الجديد:, ليتنيـے همـ گ.
آخر المواضيع |
المواضيع الساخنة |
أكثر المواضيع مشاهدة |
